莊思敏恨一年內結婚生B 郭羨妮祝佗孖胎

20190115
東網電視
更多新聞短片
Sonija孖Jacquelin出席apm「開運潮豬迎新春」記者會。
藝人郭羨妮(Sonija)、莊思敏(Jacquelin)到apm出席「開運潮豬迎新春」記者會,同場有新鴻基地產代理有限公司執行董事馮秀炎小姐,及新鴻基地產代理有限公司租務部副總經理(推廣)李少芬小姐。Sonija表示新年派利是開心事,但亦笑言會叫囡囡?利是,而老公會從北京回來,自己就負責炮製新年大餐:「我會煮啲好味嘅嘢、大魚大肉,例如花膠扒、鮑魚。(全部自己煮?)係呀,要學好容易,上網睇片學咋。(老公讚好食?)係呀!佢最鍾意我整嘅焗羊扒、西洋菜湯,同埋包餃子。」
緣分冇得強求
Jacquelin以低胸騷腿打扮上陣,她透露今年三姊妹會回馬來西亞過年:「因為屋企人喺嗰邊,返去都係飲飲食食同拜年。」問到拜年時親朋戚友可會催婚?她笑言:「梗係會啦!催到唔想再講。(有信心?埋今年利是,出年派利是?)信心年年都有,但年年都係咁,隨緣。」Sonija就謂緣分不能強求:「突然間嚟,好似我咁無端端就有,好快㗎。」
一次過搞掂人生大事
問Jacquelin可希望在一年內結婚兼生仔?她笑言:「梗係啦!一次過做晒。」身旁的Sonija笑言:「你要孖胎。」而講到妹妹莊思明是否結婚將近時,Jacquelin就表示:「唔知呀,冇問,唔想畀佢好大壓力,順其自然,佢哋自己有分數。(佢男友楊明會唔會一齊去馬來西亞?)唔知呀,可能佢都要做嘢,同埋佢都有自己屋企人。」
--------------------
東網已全面支援360影片及相片,讓你全方位睇盡新聞大事,恍如置身現場,立即登入東網360網頁: http://on.cc/360/
如仍未更新東網App,請按此連結收睇360影片: https://bit.ly/2CkVdm1