【自抽】又鬧不和！吳若希：我妒忌柏豪

歌手周柏豪與一眾星夢歌手今日為節目拍攝賀年特輯，期間「師姐妹」吳若希（Jinny）及菊梓喬（Hana）受訪時，Jinny因一張合照而自爆同柏豪「不和」，故柏豪突被「召喚」現身，甫坐低柏豪就不屑笑話：「又係你哋！」Jinny即大笑叫對方坐低兼拎瓜子代替花生給Hana寓意「食花生」，繼而將「不和」原因從實招徠：「我妒忌柏豪靚仔！我憎恨所有靚仔過我老公嘅人，全部都不和！」身旁的柏豪聽完得啖笑，笑翻全場！

及後柏豪亦為二人的「星夢一姐」爭奪戰做「和事老」，表明公司不存在任何不和：「其實好無謂，恭喜人要畀人寫好假，呢啲真係控制唔到，大家都係開開心心咁去攞獎。」正經事一講完，柏豪轉搞笑Mode繼續講：「但咁樣似劇集都幾好睇！我自己都經歷過。」問到新入星夢的連詩雅可會加入「戰團」？他聞言即抵死掉瓜子笑言：「佢未有資格相題並論！」實行急救師妹出「火海」！最後「不和三人組」互相握手作世紀大和解，為不和傳聞畫上完美句號！