《如懿傳》飯局　霍建華飲到面紅紅

由內地藝人周迅同霍建華領銜主演嘅宮鬥劇《如懿傳》已播畢，不過演員之間仍然維繫住深厚感情。日前該劇組相約聚會，劇中主要演員都有出席，包括霍建華、周迅、李純、黃宥明等人，相中可見，周迅大方以素顏上鏡，皮膚白皙透亮。眾人更舉起紅酒杯乾杯，相中嘅霍建華塊面紅卜卜，似乎飲到有啲醉意，睇嚟佢哋玩得十分開心。而劇中飾演「福珈姑姑」嘅郭虹喺社交網留言話約定每年都要聚會一次：「劇散人不散，說好的年年聚，要常聚，如懿大家庭2019第一聚！」好多網民都話希望原班陣容再次合作拍劇！