Miley Cyrus瘋傳大肚　貼蛋肚圖交代

26歲美國天后Miley Cyrus與29歲澳洲男星里安漢斯禾夫（Liam Hemsworth）剛於上年12月成婚，有狗仔隊拍到Miley今個月9日於邁阿密行街時，肚子凸凸疑似有餡，傳媒更引述知情人士，指他們準備生女：「Miley好開心有咗里安個BB，係個B女，亦係佢哋想要嘅。里安打電話話咗畀父母同哥哥知，Miley又打咗Skype畀父母，佢阿媽開心到喊。」網友紛紛轉載報道，分享Miley喜悅。

不過Miley於社交網站Twitter上載報道照片的改圖，她用雞蛋公仔加在自己肚子上，留言不斷玩「蛋」的食字，否認懷孕傳聞：「我唔係大肚，但聽到大家為我哋開心係好正。我哋都為自己開心！好興奮迎接我哋人生新一頁。」