結婚4周年!周董昆凌意大利譜《星晴》戀曲

2019年01月17日 23:36
東網電視
更多新聞短片
呢首浪漫戀曲,由昆倫喺意國譜上!

台灣天王周杰倫(周董)同昆凌2015年1月17日於英國舉行浪漫婚禮,當時唔少粉絲隔住個Mon睇片都覺得昆凌好幸福!事隔四年,周氏夫婦都已經生咗大女「小周周」同細仔「小小周」,結婚周年大日子,佢兩公婆撇低一對仔女飛去意大利過二人世界。

除有係街邊背對背影靚相,仲有周董Chok爆喺街頭拖實昆凌,呢兩幕簡直神還原周董經典歌《星晴》嘅浪漫情景。去到餐廳,昆凌又小鳥依人咁望實周董,真係睇見都是閃到爆!

至於昆凌則上載五年前同周董喺意大利街頭齊齊擺心心甫士嘅相,唔少網友都大讚佢兩個好幸福,祝佢哋一直要幸福落去!