童話式之旅！鄭伊娜獲老公驚喜慶生

藝人鄭伊娜（Ena）貴為一月生日之星，朋友多多嘅佢，已經同唔同嘅朋友慶祝過，正日呢個咁重要嘅日子，梗係留番同老公潘敬祖（Felix）一齊過！Felix除咗好有心咁，搭正12點用結他自彈自唱生日冧老婆之外，仲安排連環驚喜，Ena話：「佢知我鍾意影相，扮晒去睇新款雙鏡頭手機，冇啦啦畀錢買畀我，真係開心到呆咗！之後仲車咗我去一個神秘嘅地方，原來係去主題公園嘅酒店，佢安排咗食燭光晚餐，瞓醒第日再去樂園玩餐飽，十足十去旅行一樣，好多謝老公送一個童話式嘅生日之旅畀我。」

至於Felix話老婆好特別，生日唔只係慶祝一日，而係慶祝成個月，佢話：「原來Ena屋企有特別嘅規矩，新曆係同老公慶祝，農曆就要同家人過、一月嘅其他日子就由好友們安排，咁就大家都唔使爭，可以見晒想見嘅人。」