【打卡喇喂】周杰倫一張相引粉絲遊意大利

台灣天王周杰倫（周董）同老婆昆凌結婚4周年，齊齊去咗意大利佛羅倫斯旅行慶祝，周董仲好興奮係咁甫相晒幸福，閃爆Mon嘅佢尋日喺社交網大晒老婆視角照，去到意大利老橋（Ponte Vecchio）Chok爆舉V影相，點知就成為咗粉絲嘅新「打卡聖地」！

今日周董又再甫相，原來佢再去到老橋玩，仲畀佢見到唔少粉絲去同一個地點，擺出同自己張相一樣嘅Pose，跟住仲偷偷拍低粉絲嘅靚相，笑言佢哋完全唔知偶像就喺樓上望實。

而今日40歲正日生日嘅佢，就晒出同昆凌多張Sweet爆合照，又背對背，又拖手遊街，靚到好似寫真相一樣。