遭林敏驄突襲扯褲頭　林雪爆粗反擊

藝人林雪在電影《如珠如寶》中飾演大財團奸商，跟飾演院長的林敏驄有血海深仇，雖然兩人在戲裏不和，但鏡頭外卻老友鬼鬼，乜都玩一餐，而且係零底線！早前林雪為《如》片試造型，他着上一套長紗外套後便說：「咁樣着個肚腩好似冇咁大喎！」隨即又唱又跳郭富城的《對你愛不完》，重達280磅的他，除了做出城城的招牌手勢外，更擺動身體並扭動屁股，相當搞笑，連林敏驄都忍不住要用電話拍下。

之後林敏驄再整蠱林雪，他邊拍攝邊揭起林雪的衫，還拉底林雪褲頭說：「你睇佢下體！」林雪不並介意，還托起個肚腩表示：「喺呢度下面搵啦！」林敏驄即回：「屙尿搵唔到㗎咩？」被暗串嘅林雪立即爆粗反擊：「我X，我有錢，屙尿有人幫我托啦！」雖然林雪被林敏驄連番整蠱，但他並沒有在意，拍戲時更試過花近萬元請全組80人食乳鴿，相當大方。