進軍國際做監製！張達明圓19年前夢想

藝人張達明、江美儀、蔡頌思等出席電影《家和萬事驚》見面會，任監製的達明被問到可有信心票房達千萬，那便可舉行棟篤笑《鬚根Show3》？他謂：「都要靠大家，好難講，今次搵到吳鎮宇加袁詠儀好難得，仲有古天樂幫手，其實套戲係搞笑又有內涵，畀到信息觀眾去思考。」

問可會再做監製？達明即透露近日與美國電影公司簽約，並已交了劇本及收足酬勞，可謂進軍國際的第一步：「如果到時套戲成功開拍，我就會係其中一個監製，呢個係我19年嘅夢想。」

江美儀透露自己在片中有場掌摑袁詠儀戲份，問到拍罷該場戲後，兩人可有交惡？她笑謂：「黐線啦！我哋私下係好朋友，好笑係拍嗰時佢望住我隻狗仔，話如果我打痛佢，佢就會搞番我隻狗仔！不過OK嘅，我識打唔痛嘅，佢做反應就得！」