點睇陳家樂?陳瀅赴加國相睇:有人追但唔啱

20190119
東網電視
更多新聞短片
What?!女神都要相睇!
藝人陳瀅出席慈善活動,透露即將拍完劇集《黃金有罪》,而她完成去年接下工作後,便可以輕鬆放假。她又指從未試過在農曆新年返溫哥華,但今年會返溫哥華與家人團年。談到早前傳她與藝人陳家樂拍劇拍出愛火花兼同遊日本倒數,她說:「我係同幾個中學同學去日本,好早買咗勁平機票,我知佢都係去日本,可能啲人見我哋社交平台都post去日本,以為我哋一齊去。其實我係去沖繩,佢去東京,大家冇見到。」至於男方又點答呢?幾日前,陳家樂出席活動時,就堅稱與同事一起去日本。(相關新聞: https://bit.ly/2szyaiH
問到陳瀅是否跟陳家樂拍拖?陳瀅透露:「冇拍拖,仍然單身。(收兵?)點會?不嬲唔收兵。我哋之前合作拍《廉政行動2019》,覺得好多人都好似好鍾意我哋一齊,鍾意我哋呢Pair,希望Keep住個熱情,嚟緊三月部劇上,大家用同一個熱情去追我哋,不過我哋戲內戲外都冇感情線。(家樂係咪追你?)冇,佢係好認真勤力嘅演員,初頭幾個月,私底下冇message溝通,冇乜交流。有大家電話,可能兩個都比較慢熱,到差唔多拍完先至多啲話題講。」
她又讚家樂是好勤力,但冇認真了解,雙方冇時間發展。問到有沒有其他追求者時,陳瀅一味儍笑,吞吞吐吐了十多秒才說:「單身咗好耐,咁單身期間偶然都有異性朋友出現嘅,但仲未有一個人係好想發展。人大個咗,愈嚟愈清晰下一個男朋友係點樣,可能挑剔咗,希望下一個係結婚對象。」更笑言婆婆已催她拍拖,更約了在溫哥華相睇:「婆婆話約咗佢啲朋友嘅朋友嘅仔,同我飲吓茶,咁我都孝順嘅,會去!」
----------------------------
東網巨星開咗ig喇,大家快啲follow啦!