今年有新仔？單身黃榕着紅底谷運

藝人黃榕（Gloria）、李忠希、李海清（JoJo）、張雪瑩及曾德華（蜥蜴仔）等日前拍攝2019賀年十二生肖MV。Gloria表示新年時，喜歡由頭到腳都以紅色打扮：「紅內衣、紅底，希望大紅大紫。」MV中，她扮演虛榮的港女，不時要求男友送手袋，但現實生活中，她愛自食其力：「通常都係自己努力工作賺到後，就買嘢畀自己。」談及有一場掌摑男友的戲，她又說：「戲外我係個溫柔乖巧嘅女朋友，今次扮我男友嗰位演員好專業，叫我真打唔好借位，我都驚打痛佢。」單身的她又指有相士預言她今年會結識到新男友，所以感到很開心。

至於JoJo則自言較少拍攝經驗，最近都忙於打碟唱歌及登台工作，還要籌備個人單曲。而蜥蜴仔就是分別被黃榕和李海清兜巴星的演員，他說：「係真打，唔係假打，雖然有點痛，但希望做得好一啲，令場面同效果更加逼真。」