林建明為患癌好友剃頭：頭形好圓好靚！

藝人林建明和萬綺雯（蚊蚊）出席於欣澳舉行的慈善跑開步禮，林建明更光頭look出現，自稱頭形好圓好靚，當大家擔心以為她身體不適，原來是另有原因，她謂：「因為有個朋友患咗癌症，佢接受化療不斷甩頭髮，我為咗鼓勵佢，就同佢一齊剃光頭，幫佢打氣。（好有意義！）OK啦，咁我40年前都剃過頭拍戲（《社女》），都算係走向時代先驅，冇諗過40年後剃完仲咁靚，又光又滑。同埋過去幾年活動都係落雨，今年太陽都被我嘅光頭召喚出嚟。」

至於林建明感謝蚊蚊出席活動，已年多沒見她，更記者上身，問蚊蚊為何不多出來見人，還對她說如果生活中遇到問題，要立即化解，不要屈在心。蚊蚊即解釋：「自己冇事，係屋企人身體唔好，所以就抽時間照顧啫，同埋前幾年都冇乜放假，所以就放吓長假啫。」林建明大讚蚊蚊是孝女，並謂：「人生唔止係工作，就算做這行都要抽時間陪屋企人。」