恭喜！美女學徒吳嘉麗結婚　嫁爆肌中醫師

無綫節目《美女廚房》嘅一眾美女學徒成為唔少宅男追捧嘅女神，不過今日其中一位要做人妻，就係擁有日本血統嘅Rei Ng（吳嘉麗）喇！佢喺社交網上載同大隻中醫師男友徐澤昌婚紗照，留言「幸福得向著（着）未來奔去」！

新郎哥亦上載咗一張喺泳池邊同兄弟姊妹團影嘅大合照，tag住咗峇里，大家都着晒泳裝、戴晒草帽，非常寫意！而姊妹亦同新娘合照，兄弟就Cosplay成動畫《龍珠》唔同嘅角色，又上載一對新人着上中式禮服嘅照片！雖然女神嫁人了，但網民都紛紛送上祝賀呀！

而徐澤昌過往不時接受傳媒訪問，更上過無綫節目《都市閒情》做嘉賓分享中醫知識。佢唔止學識淵博，仲好注重外表，熱愛做Gym，操得一身肌肉，仲經常喺網上晒肌，同Rei一樣郎才女貌，又鍾意做運動，唔怪得咁投契啦！