「熊家」突襲慶生!滕麗名收蛋糕興奮舉V

20190121
東網電視
更多新聞短片
滕麗名獲「熊家」為佢送上驚喜!
無綫劇集《愛.回家之開心速遞》收視高企,當中飾演大家姐「熊尚善」嘅滕麗名,雖然喺劇内對屋企人又寸又尖酸刻薄,但現實中嘅「熊家」其實感情好好。今日二妹「熊若水」呂慧儀喺社交網上載條片,見佢化身驚喜大使、拎住個蛋糕入屋,唱住生日歌咁送畀滕麗名,點知大家冇乜默契,分別唱出「家姐、阿滕、熊尚善」,真係咩版本都有。
而滕麗名即刻開心到放低手頭上嘅嘢,接住個蛋糕舉起V字手勢話:「Yeah!我有蛋糕呀!」點知單立文同呂慧儀一聽到即刻玩食字,跳住高話「彈高」,相當盞鬼。唔少網友都大讚呢個家庭真係好有愛,仲紛紛祝滕麗名生日快樂!