仲曉晒V！田蕊妮中完流感極速復工

藝人田蕊妮（阿田）不幸中流感，仲發高燒，要睇醫生打針回家休息，真係令人好擔心！不過敬業嘅阿田只係休息咗一日就復工拍劇，似乎佢唔想阻礙拍攝進度，果然唔話得。

同劇演員林凱恩今日喺網上晒出同阿田合照，見佢精神唔錯仲舉起V字，凱恩話：「她她她，大概是地表上最強的女超人。從她佻脫的v字看得出，仍然一樣的精靈#她她她的少女時代 #豬油膏跟神奇女俠 #進入大直路」網民都紛紛問候阿田，叫佢千祈唔好死頂呀！