戒油戒甜戒碳水化合物　黃榕再戰健美比賽

藝人黃榕（Gloria）現身活動時透露，四月會再度參加健美比賽：「上年攞咗季軍，今次挑戰冠軍，依家一星期做三、四日健身，長期戒油，同埋要多吸收蛋白質，依家未係最Fit，想練到啲肌肉線條再明顯啲。」

Gloria稱上次花了一個月時間鍛煉，今次有更多時間準備，充滿信心：「上次一星期做足七日健身，戒油、戒甜同戒碳水化合物，真係差啲暈。」Gloria坦言早前生日，加上臨近新年，吃了不少生日飯及團年飯，所以在飲食上比較放鬆，新年過後就會盡量節制。

問可有異性邀約食生日飯？她笑言：「冇！依家冇拍拖，我同運動以及健美比賽拍拖。我鍾意做運動嘅男仔，前度都係運動男，有冇錢唔重要，最緊要大家有共同興趣，我喜歡大隻肌肉男。」