扮文青影沙龍　王鎮泉同阿媽泰好玩

無綫娛樂主播王鎮泉去年工作繁忙，趁近空閒時間，即與媽媽到泰國曼谷旅行，母子過「二人世界」，他說：「第一次同媽咪兩個出埠，佢知道之後期待出發都好心急。抵步後我帶咗佢去行街先嘅，點知佢淨係想去景點，咁我同佢一人攞住一部相機，去到邊影到邊，又估唔到佢好有攝影天份，影出嚟嘅相好有藝術角度添，佢搞笑叫我畀佢去上攝影深造班，話學成可以出嚟搵吓食。」

泉泉與媽咪去參觀當地文青咖啡室：「畀機會媽咪去扮吓女文青，同佢飲吓蝶豆花咖啡，總括嚟講，呢個行程都真係幾溫馨同開心嘅。」