呂慧儀為「龔燁」驚喜慶生 畀「小三」搶鏡

20190123
東網電視
更多新聞短片
張景淳生日獲成班《愛回家》劇組成員幫佢慶祝!
藝人張景淳喺劇集《愛.回家之開心速遞》飾演「龔燁」而深入民心,今日係佢38歲生日,一班《愛回家》嘅劇組成員好有心為佢慶祝,送咗個蛋糕畀佢,大家仲齊齊開心合照。見到劇中飾演「熊若水」、同「龔燁」係歡喜冤家嘅呂慧儀,突然拎住個蛋糕現身大唱生日歌,景淳一臉驚訝,估唔到大家畀呢個驚喜佢。而同張景淳係「龔水CP」嘅呂慧儀竟然冇向壽星仔獻吻,反而湯盈盈主動送肉嘴搶Fo,場面搞笑!張景淳留言話:「多謝大家的祝福,多謝開心速遞的幕前幕後創作製作團隊帶給我的一切。多謝給我珍重的所有人。」佢仲多謝呂慧儀同單立文嘅蛋糕同生日飯,真係好有愛呀!
呻窮盼多啲劇拍
張景淳接受東網訪問時直言很驚喜:「當時睇緊劇本,聽到呂慧儀唱生日歌,冇諗過係唱畀我聽。」講到生日願望,他表示:「最緊要係身體健康,多啲劇拍。」更笑言依家唔夠錢使:「一日只可以食兩餐,唔敢加錢飲凍飲,希望今年多啲工作啦!」
----------------------------
東網巨星開咗ig喇,大家快啲follow啦!