情侶裝放閃！苟芸慧自爆聽晒老公話
20190123
東網電視
更多新聞短片
紅黑配！
藝人苟芸慧孖住老公陸漢洋出席澳門新濠影滙舉行的全球首個以超級電動車為主題的大型室內特技滙演《狂電派》開幕首演禮，兩夫妻以「紅黑配」恩愛放閃。講到打扮相襯，苟芸慧冧滋滋答：「老公搵嘅。」而旁邊老公陸漢洋則表示：「呢件紅色恤衫10幾年冇着喇，擺咗喺倉，搵咗好耐，過年就襯吓啦。」兩人稱少以情侶裝打扮，苟芸慧說：「好少㗎！今日老公話事囉！難得老公陪我嚟睇靚仔飛車。」
另外，陸漢洋稱以前在美國拉斯維加斯看過很多同類型的飛車表演：「今次幾特別，加上自己都好鍾意關係車嘅嘢，呢個騷喺一個咁窄嘅地方做表演，特技人啲動作要好準繩，所以都好期待！不過我就冇諗過喺特技人呢方面發展。」太太苟芸慧即謂：「佢想我都唔畀，太危險！每次佢去賽車我都會比較擔心，要好安全先得，所以佢每次出賽我都會祈禱，希望佢平安返嚟。」
----------------------------
東網巨星開咗ig喇，大家快啲follow啦！