陳煒幫拖！何國鉦首為無綫劇任形象顧問

時裝設計師何國鉦早前應梅小青邀請，首次擔任無綫劇集《法證先鋒IV》的形象顧問，他透露多得好友陳煒（煒哥）做媒人，為他穿針引線：「煒哥介紹小青姐畀我識，上年小青姐都有嚟睇過我入行25周年時裝騷，佢覺得我啲衫好靚，就搵我幫手做顧問。今次係我第一次做劇集形象顧問，我知道無綫都應該係首次搵外人做，所以對大家嚟講都係新挑戰、新嘗試。初時我都好擔心，驚合作唔嚟，好彩今次互相配合得好好。識小青姐之前，都知佢追求完美，我都要求高，冇諗過佢要求仲高過我，挑戰性好大。」

他指外界反應不俗，早前他出席劇集記招，表示活動後收到不少朋友來電，誤以為他處男拍劇，令他啼笑皆非，更笑言自己並非演員材料，因為無法捱更抵夜。