送水輝都平？許家傑5位數做暖男煮嘢食

憑劇集《愛‧回家之開心速遞》「送水輝」一角人氣急升嘅藝人許家傑，近期多咗唔少工作，認真豬籠入水。近日佢以五位數字拍廣告，化身暖男煮嘢食，他說：「今次都有五位數字酬勞，送水輝其實好平㗎咋。拍嗰陣其實好開心，平時我食嘢好清淡，鮑魚好少食，原來依家啲罐頭鮑咁平，又易煮。」

除咗忙拍《愛》劇，許家傑透露依家忙緊新劇《極度怪咖》，雖然無乜時間休息，但笑言好充實，仲好期待快啲到新年放假，好好休息。