6個月喇！鄧穎堯晒水着照宣布佗B女

組合Super Girls師妹、模特兒鄧穎堯（Yoyo）去年11月宣布為老公Daniel Lee（李浩楠）懷上第一胎，喜訊一出即獲唔少網民送上祝福。而Yoyo不但冇因為榮升人母而收起性感，反而不斷晒出孕婦水着相，照舊大派福利！難怪網民對呢位封盤「女神」咁關心，經常提點孕婦注意事項，非常窩心。

至於網民最關心嘅BB性別，今日YoYo終於公布喇！依家懷有6個月身孕嘅佢，喺社交網上載同老公嘅水着合照，以英文留言表示肚裏佗住嘅係B女：「媽媽話係時候同大家公布，我係BB女，好期待同大家見面。」有網友大讚YoYo佗B佗得靚，完全冇走樣，後生果然寧舍唔同！