阿嬌中流感自我隔離　關智斌頂替執垃圾

藝人關智斌（Kenny）到鶴咀清理廢物，同場有楊政龍。他表示首次執垃圾：「其實想做好耐，因為覺得好有意義，本身阿嬌（鍾欣潼）嚟，但佢中咗流感，所以我頂咗佢，佢好熱心，尋晚仲話瞓醒一覺就嚟。（佢依家點？）我問佢有冇咩想同大家講。」隨即拿出電話播出阿嬌沙聲的聲帶，指阿嬌已退了燒，但還在病，現時自我隔離中，那豈不是不能見老公？Kenny謂：「我又冇問佢，但佢話唔該我幫佢做呢個活動。（你捱義氣幫佢？）唔係捱義氣，我話點解唔一早搵我，我想做執垃圾，呢幾年我嘅環保意識都強咗好多，有機會做呢啲義工我實義不容辭。」

他亦謂近幾年見到新聞知道海洋生物很慘：「啲龜畀魚絲纏住，海豚個肚入面全部都係車胎同膠袋，畀飲管骾死，所以我依家都會少用樽裝水同飲管，都會同自己飲管、保溫杯，出街都會自備環保袋，我去超級市場都會帶環保袋。」