胡健燊北上傍實　麥明詩拉傷後首「復出」

藝人麥明詩（Louisa）為慈善踩單車到柬埔寨，可惜去到廣西時卻發生意外，炒車落地要急送當地醫院求診。最後經醫生檢查後證實只是拉傷肌肉，但需要休養7日才可歸隊繼續行程。

今日，她在社交網上載「復出」片段，並表示：「踩單車去柬埔寨，今早48km！」見她精神不錯狀態大勇，相信已經康復，健康狀況良好，她表示：「喺海防（越南北部城市）的探訪拍攝咗一日，隊友們對腳休息咗一日之後精力充沛。而我嘅情況亦都有好轉，早上起來都會痛啲，到下午通常都唔使輔助都可以行到（雖然受傷嘅肌肉都係扯住，但係個痛係喺接受到嘅程度）。希望過兩日就可以上番單車！不過依家都要等埋個新頭盔到先，因為撞過嘅頭盔，就算睇落仲用得，係會失去部分安全性。」

而緋聞男友兼教練胡健燊亦有陪伴在側，相信Louisa康復速度會加快！對於緋聞男友專程北上探望，Louisa即撒嬌謂：「佢嚟幫我上番單車嘛！有教練睇住我個情況，我自己都唔太擔心，只係左邊有啲痛，踩嗰時就吃力啲囉。（幾時先完成個旅程？）下月8日就完。」