新年上郵輪　薛家燕問譚詠麟借魚網吸利是

藝人薛家燕與安德尊日前為大棧海味店拍賀年廣告，與該客戶合作逾十年的家燕表示，廣告酬金年年有加幅，兼且店舖海味無限量供應，印象最深為去年兒子結婚，她謂：「本來過大禮都訂咗好多嘢，有鮑魚、海參、魚翅、燕窩等，點知老闆打嚟叫我唔使畀錢，我話唔係我結婚，佢話因為個仔娶老婆而送畀我，我開心到不得了，都慳咗成七位數字，真係好多謝佢。」雖然老闆待她不薄，但笑指加酬幅度不及安德尊。

談到農曆年將至，家燕透露將上郵輪表演，屆時與逾百粉絲及學生一同慶祝，問到仔女會否同行？她說：「得細妹陪我。（到時帶篋去逗利是？）我係去派利是，預計成個新年派8萬蚊。(問譚詠麟借個魚網去逗利是？)等我打畀校長問佢應該帶咩網去先。」