過肥年！《愛．回家》帶挈朱凌凌金城安搵銀

無綫藝人吳偉豪（Ricco）憑劇集《愛‧回家之開心速遞》中「朱凌凌」一角而廣為觀眾熟悉，最近佢更獲劇集hehe情節帶挈，孖住「螢幕情侶拍檔」周嘉洛接拍朱古力廣告。Ricco透露兩人拍攝過程好開心，仲話佢哋默契十足：「我哋日日都見已經冇咩特別啦，哈哈！同嘉洛開工一定開心，有機會一齊拍廣告更加好添！有幾個鏡頭係我哋擺自己嘅創作，所以玩得好開心！」農曆新年將至，Ricco表示打算陪屋企人過年：「通常過年都係陪屋企人，好多飯局，都要拜年同親戚食飯。」