李丞責教行大運　佘詩曼豬年布鮮花陣

大年初三（2019年2月7日）在沙田馬場舉行《農曆新年賽馬日》，除有歌手菊梓喬為活動獻唱外，更邀請了佘詩曼和馬迷玩遊戲，與及玄學家李丞責分享致勝攻略。

迎豬接福，佘詩曼說：「我本身很重視農曆新年，之前就算拍劇都係年終無休，年三十晚同大年初一都會同媽媽、家人食飯相聚一下，屋企亦會擺放水仙花等有節日氣氛嘅年花。見到好靚嘅花，心情都會特別開心！」

返港食蘿蔔糕

談及新年習俗，阿佘最喜歡吃媽咪煮的蘿蔔糕：「以前婆婆整得都好好食，媽媽學咗，我覺得佢比婆婆做得仲好，希望自己也可以學得到，現正努力中！」由於年三十晚要在內地拍劇，阿佘未能幫媽媽手：「好彩初三《農曆新年賽馬日》搵咗我擔做嘉賓，可以有兩日假期香港，到時我一定會幫手將蘿蔔糕食晒！到年初四又要返去拍劇，非常開心可以放假。」

至於李丞責當天會與觀眾分享行運錦囊，他提醒入場市民記得當日到馬場的「風生水起桃花徑」，跟住行就能行大運！