結婚2周年　梁麗翹分享夫妻相處之道

今日是《東張西望》主持梁麗翹與丈夫結婚兩周年紀念，兩人齊齊歎Spa慶祝，她笑言：「我哋去咗個全世界最高嘅水療地方做Spa，喻意我哋嘅關係可以再創新高。（兩年間有咩最難忘？）生咗個女係我送畀老公嘅最大禮物，夠晒難忘。」

講到夫妻相處之道，麗翹認為最重要是溝通：「我哋幾忙都會搵時間去傾偈，每日臨瞓前都會傾偈，會分享每日生活嘅點滴同甜酸苦辣，雖然已經有小朋友，但間中都要兩個人出去拍拖。」