買唔到田蕊妮新碟 曹永廉打算轉攻翻版

20190201
東網電視
更多新聞短片
扮咩嫌棄吖,明明就好鍾意!
警訊都有教過大家,騙徒嘅手法真係層出不窮!近日推出新唱片嘅田蕊妮,竟然化身「補藥黨」,喺街頭向曹永廉埋手硬sell佢新唱片,曹永廉一嚟就向田蕊妮「投訴」,話行咗幾間都搵唔到佢隻碟賣,田蕊妮笑笑口話唔緊要,依家人肉速遞畀佢,曹永廉收到之後仲講笑話:「我打算買翻版㗎!」
曹永廉一收到隻碟就話點都畀番錢田蕊妮,一聽到隻碟只係要135蚊之後,好豪氣咁話:「135蚊咁抵?百幾蚊有隻碟?140蚊唔使找啦!」之後發揮搞笑本色:「我原本想買個唱片封套,點知送埋隻碟畀我喎!」
其實呢場都只係戲嚟㗎姐,事源曹永廉係由田蕊妮出碟第一日已經想買田蕊妮隻碟,點知佢真係買唔到,見到有網上版而即時下載,令田蕊妮大為感動:「有網上版,佢第一時間下載,然後不停話畀我聽邊首歌好聽,所以我決定親手送一張CD畀呢位窩心男。」