美男晒小背心「色誘」　麥明詩怕醜：夠啦

10A港姐麥明詩（Louisa）正進行慈善單車行，踏車到柬埔寨，雖然佢早前受過傷，不過已經復出，尋日就第一日全面歸隊，同隊友一齊踩足全程！雖然有四位美男子傍實，但一個女仔要埋男人堆都唔易，話晒男人話除就除無拘無束！

Louisa一直keep住喺Instagram更新近況，佢上載咗張四格相，原來同行嘅藝人潘梓鋒喺佢面前除衫，露出入面嘅單車小背心，不過咁啱遮住咗兩點！又要睇又要影又要「鬧」嘅Louisa笑言：「夠啦！」咁又係，話晒一個女仔，睇到人怕醜㗎嘛！