英文驚艷！迪麗熱巴萌爆配音獲激讚

新疆美女迪麗熱巴樣靚身材正就係人都知喇，原來把聲一樣好得！近日佢登上內地綜藝節目《聲臨其境》，即場展示配音技巧。佢喺節目上分別用英文、國語聲演《魔雪奇緣》同《王子復仇記》，為咗突出角色活潑好動嘅一面，佢全程用童聲演繹，仲入戲到跟埋角色人物做動作，個樣萌到爆。

迪麗熱巴輕鬆搞掂配音挑戰，讀台詞時一氣呵成，令唔少在場人士讚不絕口，而且佢講英文時流利又冇口音，用實力證明自己並非虛有其表嘅流量小花，真係相當爭氣呀！