龔柯允籌備音樂會　老公做免費勞工

來自馬來西亞的歌手龔柯允（Karen）將於2月中舉行迷你音樂會，表示這是自由身後首個音樂會，由自己親手籌備。她亦表示音樂會主題是「時光隧道」，會分享這10年在馬來西亞、台灣再到香港唱歌的心路歷程。她亦透露音樂會以unplugged形式進行，除了唱舊歌外，亦會唱一些未出過街的歌曲，以及自己創作的新歌。她亦預告邀得一位很有才華的男歌手好友做嘉賓，當日亦會推出一隻「會場特別版」的CD，由封面到入面她都有參與設計。

講到音樂會是她自己一手一腳籌備，問到花了多少錢？Karen即笑言：「呢個騷籌備就貴咯，因為我碌咗好多人情卡，我好重視個騷，想搞到好好睇睇，唔好令買飛嘅人失望。（髮型師老公有冇點支持你？）老公嘅卡我都碌埋，佢為咗支持我，嗰日就會免費幫我set頭，同埋做埋我嘅stylist。」

服裝： lost n found 811

髮型： Adam Hui @ W Salon by il Colpo

相片提供：Sampson @ Sor9ry