上廣州食玩瞓　魏韵芝差啲有得拍《3日2夜》

藝人魏韵芝（Joyce）日前同衛志豪日前到廣州拍攝無綫節目《大灣區活好D》，之前都去過廣州嘅佢，話估唔到咁多地方可以去，她說：「今次去咗好多地方，其中去咗睇時尚啲嘅裙褂、食酸菜魚、飲廣東茶、即釣即食鯛魚、打室內棒球、浸溫泉，真係好好玩！」

本身細個想做旅遊節目主持嘅Joyce，今次可以話係願望成真，但點知原本有機會拍節目《3日2夜》，但可惜撞咗時間：「今次算係入行之後第一次出外旅遊嘅拍攝，所以好開心！之前本來有機會拍《3日2夜》不過撞咗期，希望嚟緊呢一年有多啲機會再出外拍攝啦。」