祖藍介紹讀藝訓班　張彥博以鄭俊弘為目標

藝人張彥博去年憑無綫劇集《跳躍生命線》「雄姐」一角再度人氣急升的張彥博，日前接受電台訪問，去年開了處男個唱，能實現夢想，看見家人在台下，他很感動。由09年赤子樂隊解散之後，他堅持沒放棄音樂，先後兩次參加內地音樂選秀節目，到2013年參加TVB藝員訓練班轉戰演戲，他於節目中自爆原來是為了參加《星夢傳奇》：「係識咗王祖藍介紹我參加TVB藝訓班，一心諗住好似鄭俊弘‎咁參加《星夢傳奇》，點知嗰一年就開始停辦，所以就一直拍劇。」

談及最終憑拍劇彈出完成音樂夢之後的計劃，張彥博自揭出道以來，最恨帶着自己的作品，以歌手身份出席叱咤頒獎禮：「其實我好想去叱咤頒獎禮，我渴望咗好多年！但我都未有資格出席，我希望自己會有作品，甚或代表作會喺呢度（叱咤頒獎禮）出現。我唔係一定要獲獎，能夠參與已經係一件好好嘅事。」