遊日偶遇羅志祥　阮民安晒Chok爆合照

組合E-Kids成員阮民安（Tommy）和網紅太太張倚雯（Eva）的第二名囝囝預計於三月底出世，趁臨盤在即，兩夫婦作最後衝刺，飛抵日本拍攝旅行特輯。Tommy接受東網訪問時表示：「今次日本之行，估計係Eva產前最後一個Job，完成後就會返香港等BB出世。」他又透露在日本期間遇上台灣藝人羅志祥（小豬）：「我太太將會喺暑假期間喺日本推出個人品牌，仲會舉行發布會，所以我哋趁今次嚟日本去睇吓場地，因為場地喺原宿潮人集中地，會有好多人嚟行街，咁啱就撞到小豬，難得喺異地見到朋友，梗係要合照啦。」

談及在日本拍攝旅遊特輯，他指可用寓工作於娛樂來形容：「個特輯主題係講初生媽媽，拍嗰間酒店係溫泉酒店，全日都唔使着鞋，只可以赤腳、着拖鞋或者着襪，好relax。」