「是非精」新年願望！張秀文求愈變愈正

曾先後為無綫節目《學是學非》演出的張秀文、梁嘉琪、張寶兒和鄺潔楹（Judy）向東網讀者拜年，四位「是非精」各有新年願望，當中以秀文的最為「騎呢」：「新一年願望係想啲骨愈嚟愈正！因為狗年發現自己脊椎側彎，除咗腰痛仲影響到盆骨大腿關節、膝蓋關節，有歪嘅情況同埋經常痛，影響工作、運動，所以希望全身骨頭可以正番啲！」

張寶兒懷念英國過年

其餘三位「是非精」以寶兒最有雅興，在英國讀書的她說：「我會着到紅卜卜煎年糕，又會去唐人街睇舞獅巡遊、燒炮仗，好熱鬧。入咗TVB後，就跟同事喺工作中度過，都唔會寂寞！」Judy雖然資歷最淺，卻很進取，想豬年有新挑戰：「好想拍劇，同埋想身體強壯嚟應付工作。」而嘉琪則懷念婆婆整的賀年食品「油角」，她說：「佢身體唔好已經冇整，但喺店舖買番嚟嘅油角，冇咁好味，嗰種味道永留心中！」她同時希望全家身體健康。