自資幾萬蚊 仙樂都大呻新歌派台被睇唔起
20190206
東網電視
更多新聞短片
仙樂都唱片發布會獲老友到場支持。
藝人吳堯堯（仙樂都）早前舉行首個唱片發布會，當日見到好友黃榕同顏仟汶驚喜現身，仙樂都感動到喊，更即刻攬住好姊妹來個愛的抱抱！仙樂都表示花咗三年時間心血，唱片終於面世，對於推出個人首張唱片，坦言心情百感交集：「又開心又感動，仲好激動！好感謝一直以來支持嘅贊助商、好友，更感恩『仙粉團』嘅鐵粉對我不離不棄！」
佢仲話做音樂嘅過程中困難重重，包括派台時遇到好多人睇不起：「做獨立歌手冇公司、冇錢......前後花咗幾萬蚊去派台，但冇一間電台、冇一個DJ願意做我嘅訪問，自問首歌真係作得幾好聽，所以經過咁多辛酸經歷後成功，真係好感動，好感恩！」當日唔少藝人好友特意撐場，包括黃榕、顏仟汶、「綠魔」許嘉浩（Karl）等，令仙樂都感動不已。
----------------------------
東網巨星開咗ig喇，大家快啲follow啦！