周揚青被寸善事齋講唔做　羅志祥霸氣維護

內地網紅周揚青同台灣歌手羅志祥拍拖多年，由開頭極低調到依家不時喺網上晒恩愛，唔少網民都話畀作哋閃到盲！呢日周揚青喺社交網呼籲粉絲施比受更為有福：「如果你把自己一次旅行的錢、或者一個新包包的錢拿出來去幫助那些需要幫助的人，你會發現從中獲得的快樂比你旅行和買包包還要多。」

留言一出得到好多讚賞話佢人美心善，就連男友羅志祥都有留言話：「真棒！值得學習。」雖然讚嘅佔大部分，不過就有網民多口問周揚青：「咁你的包呢？」寸佢自己就用名牌手袋，但係就叫人捐錢做善事。見到女友畀人寸，羅志祥直接用自己A/C留言：「我會買給她，謝謝！」擺明話女友啲名牌手袋係佢買，力撐女友唔係識講唔識做嘅人！網民見到羅志祥咁做都大讚佢型到爆夠晒Man！