女粉絲坐經濟位！小鮮肉添麥菲咁啱坐隔籬

一名女子日前搭飛機坐經濟客位時，撞正荷里活「小鮮肉」添麥菲查洛美（Timothee Chalamet）坐正隔籬，事後女fans將二人於3小時航機上的對談於社交網站公開。

女fans最初話佢好似添麥菲，但對方唔認之餘，仲話成日被人認錯，之後搞到fans唔敢再打搞佢。一個多小時後，添麥菲問fans班機幾點到，之後二人才開始吹水，fans再追問佢係咪添麥菲，佢最後終於笑住承認！

fans問添麥菲點解坐經濟位，佢笑住話：「哈哈，你斗膽呀？」之後亦有問佢有冇見過Beyonce，同問埋佢同《美麗男孩》（Beautiful Boy）男拍檔史提夫卡路爾（Steve Carell）合作嘅情況，添麥菲就提議可以即刻同史提夫玩FaceTime。而最令fans驚訝就係添麥菲居然想知有關fans嘅嘢，包括做邊行同邊度長大！