Bob夠威武!一家大細爭住排隊?大利是

20190206
東網電視
更多新聞短片
「爸爸~身體健康~~心想事成~~……」
藝人林盛斌(Bob)話晒係一家六口嘅一家之主,今個新年佢就享齊人之福,三個女加細仔同老婆都要排隊向佢拜年!成個大爺咁款嘅佢,今日一早就嗌醒晒全屋人,佢就豪邁坐低等仔女同佢講賀年說話,由大女開始排好隊,就連未識講嘢嘅細仔都要做到足,成個畫面幾咁威武!
Bob仲甫埋片上網,話原來尋日年初一時唔記得畀仔女拜年,今日先補番,仲話得呢兩三日可以威吓。而到老婆同佢講賀年祝福時,佢又忽然大派閃光彈,除咗應承會錫晒老婆之外,又狂送飛吻,真係夠晒骨痺,唔怪得咁配合拍片啦~
Bob社交網原文:「原來尋日漏咗呢個重要儀式,今朝晨早叫醒佢哋一定要做返番。你睇吓我幾威!得呢兩三日可以威吓㗎咋.....」