李丞責想BB細心　添丁夾生肖要屬牛

堪輿學家李丞責現身香港賽馬會大年初三「農曆新年賽馬日」活動，他表示今日的三T獎金很吸引，所以會投注，但就抱做善事的心態。問他有沒有橫財運？他笑說：「我抽獎運普通，橫財好啲，職業問題，我冇做過其他工作，同大家一樣食四方飯盒，去到邊食到邊。」

至於今年會否帶囡囡周圍去拜年？李師傳表示老婆 劉倩婷和女兒遲些也會到場，又笑指老婆是來監場的：「我贏咗，佢就會將我啲飛全部收起嚟。」

他早前講過有計劃添丁，問到是否已成功「入紙」？他表示計劃當中，BB生肖屬豬都不錯，如袁詠儀、張智霖及王浩信等，他們都充滿藝術才華，但想生一個細心的BB，故會選擇老鼠或牛：「我老婆、家姐同阿媽都係屬牛，我成日跳跳紮，屬牛比較踏實、埋頭苦幹，我就比較天馬行空，所以屬牛同我好夾。」