回春十年！漢洋變髮似「韓仔」

歌手漢洋與譚嘉荃（Amy）等人日前出席蘇姍生日會，佢同Amy即席唱歌助興，炒熱全場氣氛，漢洋說：「我哋成班人唱歌畀佢，我哋講心唔講金！放心，第時有登台騷，我一定預埋師傅（指蘇姍）嘅！」

講到漢洋換上新髮型，睇落年輕咗十年，佢話原來有兩批人對佢髮型意見不一，他說：「好得意，八十同九十後話我似韓仔，但六十同七十後話我剪咗個《呆佬拜壽》劉青雲頭，意見好唔一樣！（自己鍾意邊邊意見多啲？）兩個我都接受！」

佢話有呢個髮型轉變，係因為年中會開演唱會，今個月將會拍攝海報：「所以髮型師叫我轉吓造型。（用韓仔look影？）未知，但我想影得自然啲，唔想太chok。」