安全駕駛!郭富城要囡囡坐得夠舒服

2019年02月08日 15:38
東網電視
更多新聞短片
城城揸車要囡囡坐得舒服。

天王郭富城(城城)現身尖沙咀出席新春賀歲活動,坐着吊臂出場,被升高至兩層樓高,甚具氣勢,台上城城又為舞龍舞獅點晴和敲響銅鑼,現場還燒炮竹,熱鬧又好意頭。台上城城透露今年忙於四出舉行《舞林密碼》世界巡迴演唱會,目標是舉行100場,另外有4部電影上映需配合宣傳及拍新廣告等,工作排到密密麻麻。司儀葛民輝(阿葛)取笑城城是鐵打造,城城說:「自從有家庭,有咗小朋友後,一定要有責任感,要做好爸爸,所以工作一定要努力,更加勤力。」阿葛開玩笑澄清自己冇問城城家庭事,是城城自己提,但讚城城確是做爸爸後,連樣貌也變得更「Man」,城城說:「係開心事,依家唔同咗,我哋大人嘛!係爸爸。」城城又謂:「我依家揸車好慢,係揸五人家庭車多,有家庭後,路面70就開70,50就開50,然後望倒後鏡望一望個女,睇囡囡係咪坐得舒服。(囡囡有冇叫你開僈啲?)囡囡坐Baby Seat,爸爸一定安全,工作還工作,家庭還家庭。」

嘉賓之一的堪譽學家李丞責批城城今年買樓又買車,搵得多使得亦多,又與阿葛及城城於台上不時講笑互動,大搞氣氛。李丞責笑言買不到城城演唱會飛,即被阿葛取笑𢱑飛,又說着銀色衫的李丞責閃過城城,會被人誤認是「城城」,因為李丞責都是「丞」,阿葛又笑指屬蛇的城城是蛇腰,不是蛇王,令全場爆笑。