二胎未出世已想再追B!郭富城豪言生四個

2019年02月08日 18:48
東網電視
更多新聞短片
郭富城直言有考慮過生夠五個,但要睇太太意願。

天王郭富城出席新春賀歲活動時,透露新春期間,返媽媽家食飯團圓。一向孝順的他,有感每年媽咪下廚為家人炮製八道菜太辛苦,故今年改為叫到會,更一次過點了十六道菜,城城說:「食到好飽,有做番多啲運動,Keep住身形。(媽咪多咗時間湊孫?)媽媽今年好開心,因為囡囡識叫嫲嫲,依家做人做仔係更開心,希望多啲時間,帶女返去畀媽咪見。」

覺得媽媽好偉大

講到方媛現懷第二胎,至於腹中塊肉是仔是女,城城則大賣關子,但透露想再追多個:「太太係獨女,成長過程比較孤獨,佢都希望多小朋友,我都鍾意。(想生幾個?)順其自然,我有五兄弟姊妹,所以頂多生四個。(追貼媽咪生夠五個?)有考慮過,覺得媽媽好偉大,依家佢年紀大,有時演唱會唱歌時都會諗起媽媽湊大我哋,做咗爸爸先知家長壓力好大,會諗小朋友健康,對社會嘅貢獻,覺得媽媽生五個好偉大,所以生三、四個都OK,都要睇太太,會尊重太太。」

希望做個好爸爸

自從當了爸後,城城想法改變,直言覺得有小朋友的家庭好幸福:「以前有工作覺得好幸福,依家有家庭、有小朋友就好幸福,希望做一個好爸爸。」

----------------------------
東網巨星開咗ig喇,大家快啲follow啦!
https://bit.ly/2JjSVcr