洪卓立慘被掉獎　田蕊妮跣手出事

獎項係代表付出努力同汗水背後嘅肯定，珍而重之理所當然，而且攞獎咁開心，梗係會拎住個獎影吓自相，同親朋好友分享喜悅啦！但係就有藝人因意外唔見咗個獎，或者玩到樂極忘形令到個獎損毀，幾乎成為憾事。

洪卓立

上年宣布同湯怡分手嘅洪卓立，曾經自爆女方搬屋嗰陣忙中有錯，唔小心掉放咗佢個新人獎嘅儲物箱。事後湯怡喊住認錯，曾去垃圾房搵但係都搵唔番，又唔肯回應有冇掉埋其他嘅獎項。

杜汶澤

2018年杜汶澤獲大阪亞洲電影節頒發「亞洲明星大獎」，當晚老婆田蕊妮不慎跣手，令獎座「分屍」並即場爆喊，阿澤都忍唔住話：「頂你個肺！」3個月後，阿田將修復好嘅獎座當生日禮物送畀老公。