彭懷安「偷食」致分手　朱慧敏掟煲唔掟蓋

藝人朱慧敏（Queenie）與舊愛彭懷安（Eddie）情路迂迴曲折，2011年，Queenie與台灣闊少男友分手後，於同年年尾被指搭上Eddie，雖然二人一直否認戀情，強調「只是朋友」，但隨拍拖時間漸長，二人愈愛愈高調，Queenie更以老闆娘身份為男方店舖打點。

直至2015年，Eddie在女方亡母墳前求婚成功，並於社交網晒相正式「認愛」兼宣布婚訊。豈料同年5月，Eidde捲入「偷食」事件令婚期幾度押後，二人陷入冷靜期，而Queenie終在同年9月坦承回復單身。不過二人分手後卻疑「掟煲唔掟蓋」，除多次孖住出席活動兼共度生日力證關係良好外，2016年Eidde曾公開表示仍在等待Queenie，2017年9月二人更被拍得結伴同遊日本，加上他們選擇同日皈依佛教，再引起復合傳聞。