同彭懷安婚事又撻Q 朱慧敏心死:謊話連篇

20190211
東網電視
更多新聞短片
忍無可忍。
藝人彭懷安早前接受東網節目《娛場》訪問,談及與朱慧敏的關係時,他說:「斬唔斷,好似蓮藕一樣,喺呢七年嘅感情,當中大家都有努力過,最終唔能夠修成正果嘅話,係天意或者係緣分已盡,但我都好感恩有呢段感情出現過,因為所有嘅經歷係成就今日嘅自己。我喺呢兩年先知自己想要咩感情生活,最緊要係做番自己,可以鬧交、可以Sweet,最重要係就算鬧幾大場交都好,你知對方為自己做過啲乜就得啦!」
節目播出後,朱慧敏在東網Facebook貼文上兩度爆Seed,留言直插彭懷安:「謊話連篇」、「這一、兩年才知道怎樣的感情?」彭懷安回覆東網,表示知道朱慧敏有留言:「我唔想多作回應,我祝佢幸福快樂!」至於朱慧敏則餘氣未消:「我希望我個名,以後唔好同彭先生有任何關係!」拒絕透露發火原因。
時唔時玩失蹤
朱慧敏與彭懷安於2015年初公布婚訊,但同年因男方捲入偷食風波宣布分手,不過兩人多次被拍得出雙入對,兩人卻堅稱只是朋友關係否認復合。據知,偷食風波後雖然令婚事告吹,朱慧敏難放下多年的感情,最後選擇相信對方並低調繼續在一起,惟復合以來,雙方關係拖拖拉拉,時有爭吵,男方更開始施展「冷暴力」,不時突然「人間蒸發」玩失蹤,一走了之,並封鎖女方所有來電及訊息,但未幾又施軟功,令女方重投懷抱。
去年年中二人再吵大鑊,彭懷安重施故技再次失蹤,並維持至今九個月之久,也未有交代雙方關係去向如何。期間朱慧敏在朋友口中得知,彭懷安四出向朋友們「報喜」,聲稱會在年底於廟宇和她舉行婚禮,以為婚事在望故一直耐心等待,但「婚期」已過,彭懷安依然零來電拒現身,不少好友都替朱慧敏不值,力勸死心不要再浪費青春,不要再做等待浪子回頭的「望夫石」,直至最近得知彭懷安在《娛場》中高談闊論感情生活及七年感情的得着,這七年情「曾努力過」,令朱慧敏氣上心頭,忍唔住手留言「謊話連篇」洩憤。