投入真感情!郭富城演花甲爸爸冇偶像包袱

2019年02月12日 06:53
東網電視
更多新聞短片
依家仲Man呀!

天王郭富城在過去一年忙於當人夫及爸爸角色,但工作量未有因此減少,電影更是一部接一部,未來將有4部作品相繼上映,其中一套城城為支持美國華裔新導演,花了不少時間在美國約紐拍攝,他謂:「今次演戲嘅對手係苗苗,係演我個女,而我就係做一個60歲嘅爸爸。」一向愛美的城城為電影不介意演自己真實年齡還要大的角色,他謂:「成套戲我係以一個老嘅狀態去演,入面講父女之間嘅感情,我過去好少拍父女嘅戲,個故事係美國發生,透視一個華人喺美國生活嘅點滴同感情世界。」現實中有寶貝女兒Chantelle,城城今次演父女戲,可以投入好多真實感覺?城城笑言:「都係呀,係慈父上身。」

城城亦提到另一齣電影《秘密房客》,都是在外地取景,他謂:「我演出嘅部分全部係韓國拍攝,戲入面同一個自己好喜歡嘅演員段奕宏合作。」段奕宏是內地演員,剛在第55屆金馬獎奪得「最佳男主角」,兩位影帝級在戲內切磋,城城謂:「第一次同佢合作,極度有火花,女主角係許瑋甯,仲有兩個童星一個15歲同13歲嘅榮梓杉,我係演一個性格極之偏激嘅人,係未嘗試過,所以好開心試到唔同嘅嘢,而成個拍攝團隊都係好有分量,係好難得嘅一次合作。」
---------------------------
東網巨星開咗ig喇,大家快啲follow啦!
https://bit.ly/2JjSVcr