入圍金像獎兩獎項　陳詠燊同老婆爆喊

憑電影《逆流大叔》有份入圍香港電影金像獎「最佳導演」和「新晉導演」兩個獎項提名的陳詠燊，稱在電腦旁看着宣布入圍名單時，激動得大嗌了出來，他說：「真係好開心，其實逐個獎我都有嗌，睇到黃德斌和潘燦良一齊入圍男配角提名，我好振奮，好開心嘅一件事。電影獲提名「最佳電影」真係好感動，係團隊嘅合作嚟，最重要係大家好無私扲最好嘅嘢出嚟，今次係最好嘅交代。」

他說看罷提名名單後，原本好冷靜，但突然之間情緒激動爆喊，他說：「我打畀我老婆，冇乜點講嘢，淨係互相喊，我入咗行今年係第19年，終於有少少成績畀身邊人，同埋畀自己睇到，好感動，成日覺得提名當攞咗獎。」更笑言金像獎最好入圍五個都一齊攞獎便最好不過。