同四大影帝廝片！姜皓文自比BB班唔敢高攀

姜皓文（黑仔）苦盡甘來，「處男下海」獲提名《第38屆香港電影金像獎》「最佳男主角」，即要惡鬥四大影帝周潤發、郭富城、黃秋生和吳鎮宇，對於面對影帝級勁敵，他接受東網訪問時說：「我當自己得咗！唔會去亂諗嘢，或者有乜遐想，因為知道唔係咁容易，我呢啲只係BB班，不過淨係諗個畫面都好神奇。」名單一出，黑仔卻被網民指是陪跑一族，但他未被打沉，更在社交網自撐：「有幸參與已經很滿足了！陪跑也是榮幸。」

入行34年的黑仔去年已奪最佳男配角，曾獲3度提名男配的他在公布得獎後立即攬錫太太，台上致辭更高呼：「老婆我得咗喇！」如今挑戰影帝，對他來說更是一個肯定。